29.04.2026 13:02

Президент "Әл-Фараби" орденін құру туралы Жарлыққа қол қойды

Қазақстан Республикасының Президенті Қасым-Жомарт Тоқаев 2026 жылғы 20 сәуірде "Әл-Фараби" орденін құру туралы Жарлыққа қол қойды, деп хабарлайды Zakon.kz.

Жарлыққа сәйкес, Қазақстанда жаңа мемлекеттік награда – "Al-Farabi" ордені ресми түрде бекітілді.

Үкіметке: Қазақстан Республикасының "Мемлекеттік наградалар туралы" заңына тиісті толықтырулар енгізуді қамтамасыз ету; Жарлықтан туындайтын өзге де қажетті шараларды қабылдау тапсырылды.

Ал Қазақстан Республикасының Ұлттық банкіне "Әл-Фараби" орденінің эскизін әзірлеу міндеті жүктелді. Жарлық қол қойылған күннен бастап күшіне енеді.

Бұл награда ғылым, білім, мәдениет және рухани даму салаларында елеулі жетістікке жеткен азаматтарға табысталады.

Мақаламен бөлісу:

Тегтер: #Астана, #Қазақстан, #Тоқаев Касым-Жомарт, #Әл-Фараби