31.05.2026 19:51

Астанада жеңіл атлетикадан қалалық чемпионат өтті

Астанада Халықаралық балаларды қорғау күніне орай жеңіл атлетикадан қалалық чемпионат өтті, деп хабарлайды елорда әкімдігінің ресми сайты.

«Қазақстан» жеңіл атлетикалық спорт кешенінде Астана қаласы әкімдігінің №7 балалар мен жасөспірімдер спорт мектебінің 2013-2017 жылы туған 150-ден астам жас спортшысы бас қосты.

Қатысушылар әртүрлі дисциплина бойынша сынға түсіп, өздерінің дайындығын, жеңіске деген ұмтылысын көрсетті.

«Біз үшін балалардың бақыты бәрінен жоғары. Бұл чемпионат – олардың денсаулығы, қуанышы мен дамуына арналған мереке. Балалардың қамқорлықта, сүйіспеншілік пен қауіпсіз ортада өсуі маңызды. Ал спорт олардың мықты әрі өзіне сенімді болып қалыптасуына көмектеседі», – деді жаттықтырушы Райана Амангелді.

Жарыс спорттық мереке, әділ бәсеке және ерекше көңіл күйде өтті.

Тегтер: #Астана, #Жеңіл атлет, #Қалалық чемпионат