31.05.2026 19:42

Астанада LRT екі аптада 1 миллион жолаушы тасымалдады

Астана қаласының әкімі Жеңіс Қасымбек Instagram парақшасында LRT-ның көрсеткіші жайлы жазды, деп хабарлайды елорда әкімдігінің ресми сайты

«LRT ашылған сәттен бастап екі апта ішінде жолаушылар ағыны 1 млн адамға жетті. Күн сайын жолаушылар саны шамамен 65-75 мың адамды құрайды. Бұл көрсеткіш қалалық рельсті көліктің жаңа түрі елорда тұрғындары мен қонақтары арасында сұранысқа ие екенін көрсетеді.

LRT-ны белсенді пайдаланып, жаңа көлік жүйесіне сенім артқаны әрі инфрақұрылымға жауапкершілікпен қарағаны үшін жолаушыларға алғысымды білдіремін.

Сол сияқты LRT-ның Қосшы бағыты бойынша екінші кезеңін іске асыру жұмысы басталды.

Жобаның жүзеге асуы көлік инфрақұрылымын одан әрі дамытуға мүмкіндік береді», – деп жазды Жеңіс Қасымбек.

Тегтер: #Астана, #Женис Касымбек, #LRT