"Талапкерге ұсыныс: ЖОО-ы ұсынатын мамандықтар" тақырыбында өрбіген дөңгелек үстелге мектеп бітіруші түлектер, жоғары оқу орындарының мамандары, саясаттанушылар мен әлеуметтанушылар және студенттер қатысты.
Қазіргі кезде талапкерлер таңдау пәні бойынша қандай мамандықтардың барын толық білуі де, білмеуі де мүмкін. Сондықтан жиын барысында талапкер таңдаған оқу орнында қандай мамандықтар оқытылатыны және олардың сұранысқа қаншалықты ие, қоғамға керек мамандық екені айтылды. Сонымен қатар, жоғары оқу орындарының тарапынан ұсынылатын жеңілдіктер мен мүмкіндіктер және олардың бағыт-бағдары таныстырылды.
Студенттер тарапынан "еңбек нарығында сұранысқа ие мамандықтар қандай және болашақта жұмыс берушілер қандай мамандықтарды қажет етеді?" деген нақты сұрақтар қойылып, мамандар тарапынан тұщымды жауапта берілді.
