Бұл туралы Радио Sputnik хабарлады.
"Мен XXI ғасырдың прогресі мен мүмкіндіктеріне қауіп төндіріп жатқан "төрт қатерді" көріп тұрмын", – дейді Антониу Гутерреш.
Бірінші қатер – жоғары геостратегиялық шиеленіс. Ол аталған шиеленістердің адамдардың кең ауқымда азап шегуіне, ядролық қауіптің артуына апара жатқанын жеткізді.
Екінші қатер – климаттық дағдарыс. Ол планетада атмосфераның орташа температурасы өсіп жатқанын, жануарлар мен өсімдіктердің миллиондаған түріне жойылу қаупі төніп тұрғанын еске салды.
Үшінші қатер – артып келе жатқан жаһандық сенімсіздік. Ол әлемде саяси мекемелерге деген сенімнің төмендеп жатқанын, адамдардың үштен екісі теңсіздік деңгейі өсіп келе жатқан елдерде тұратынын атап өтті.
Төртінші қатер – "цифрландыру әлемінің қараңғы жағы. Ол жаңа технологиялардың қылмыс жасау, араздықты қоздыру және жалған ақпарат тарату мақсатында қолданылып жатқанын жеткізді.
