Тоқаев: Лаңкестер сақалдарын қырып, киімдерін ауыстырып алған

 1,264 қаралым

Президент Қасым-Жомарт Тоқаев жаппай тәртіпсіздіктерге қатысқан содырлар жасырыну үшін сақалын қырып, киімін ауыстырып алғанын айтты. Бұл туралы Tengrinews.kzке сілтеме жасап Aqnews.kz хабарлайды.

Ұжымдық қауіпсіздік туралы шарт ұйымының сессиясында Тоқаев қазіргі уақытта Қазақстанда конституциялық тәртіп қалыпқа келгенін, қауіптің алды алынғанын мәлімдеді.

«Терроризмге қарсы операция аясында қылмыстарға қатысқан адамдар анықталып жатыр. Бүгінде полицияға 8 мыңнан аса адам жеткізілді. Құқық қорғау және арнайы органдар олардың терроризмге, адам өлтіру, тонау және басқа да қылмыстарға қатысы бар-жоғын анықтап жатыр.

Жасырын шабуылдаушыларды анықтау мақсатында жоспар жасалып жатыр. Олар ерекше түрде жасырынады – азаматтық киім киеді, сақалдарын қырады. Қарқынды жұмыс істеу қажет», – деді Тоқаев.

Оның айтуынша, бірінші кезекте бейбіт шерулер өткен. «Кейін Алматыда саяси митингілер өтті. Содан соң қалаға үш бағыттан қарулы күштер басып кірді. Басында өздерін бейбіт демонстранттар секілді ұстап, тұрғындарды арандатты. Кейін тарихта Алматы трагедиясы деген атпен қалатын оқиға басталды», – деді Мемлекет басшысы.

Aqnews.kz

Пікір үстеу

Э-пошта мекенжайыңыз жарияланбайды. Міндетті өрістер * таңбаланған