Министр Жанар Хамитованың өліміне қатысты іске пікір білдірді Қазақстанның ішкі істер министрі Ерлан Тұрғымбаевтың айтуынша, "өзiн-өзi өлтiруге дейiн жеткiзу" дерегі бойынша іс қозғалды. 

 90 қаралым

Ерлан Тұрғымбаев Үкімет кулуарында әнші Жанар Хамитованың өлімі туралы іске қатысты пікір білдірді.

«Жанар Хамитованың ісі бойынша қылмыстық іс қозғалды. Оқиғаның мән-жайы анықталып жатыр. Барлығыңыз білесіздер, онда өз-өзіне қол жұмсау дерегі болды. Кейбір жағдайға байланысты Қарағанды облысында қылмыстық іс қозғалды, соның аясында барлығы тексеріледі», – деді министр Ерлан Тұрғымбаев.

Айта кетейік, Superstar.kz байқауының жұлдызы Жанар Хамитова күні кеше сағат таңғы 9:00 шамасында өзінің туған жері Қарқаралыда көз жұмғаны белгілі болды.