12 желтоқсанда Атырау қаласының мамандандырылған тергеу соты облыс әкімінің орынбасары Бақытгүл Хаменоваға қатысты үйқамаққа алу туралы санкция берді.
Бұл ретте тергеу қамауға алу туралы өтініш берді. Қылмыстық іс Қазақстан Республикасы Қылмыстық кодексінің 366-бабы, 2-бөлімі («Аса ірі мөлшерде пара алу») бойынша қаралуда. Егер Хаменованың кінәсі сотта дәлелденсе, онда ол параның 60 еселенген мөлшерінде айыппұлдан бастап мүлкін тәркілеумен 7 жылға дейін бас бостандығынан айыруға дейін жазалануы мүмкін.
Хаменова 2020 жылдың 13 наурызында облыс әкімінің орынбасары болып тағайындалды. Бұған дейін ол VI сайланған Қазақстан Республикасы Парламенті Мәжілісінің «Нұр Отан» партиясынан депутаты, Экология және табиғатты пайдалану комитетінің мүшесі болған.
Aqnews.kz
