Бүгін Оңтүстік Кореяның Канвон қаласында алауы тұтанатын IV қысқы жасөспірімдер олимпиадасының жарыс кестесі жарияланды, деп хабарлайды Aqnews.kz.
ҚР Туризм және Спорт министрлігінің баспасөз қызметі мәлім еткендей, жарыстың ашылу салтанаты бүгін, яғни, 19 қаңтарда Каннын қаласындағы «Gangneuung Oval» спорт кешенінде өтеді. Бұл нысанда конькимен жүгіру спортынан жарыстар ұйымдастырылады.
Сондай-ақ, Канвон-2024 Ойындарына 14 пен 17 жас аралығындағы әлемнің 70 елінен 1800 спортшы қатысады. Мұнда 7 спорт түрінің 15 бағдарламасы бойынша 81 медаль жиынтығы сарапқа салынады.
