Астанада күтуші мен ер адам баланы өлтіргені үшін сотталды
Прокуратура Астанада сәбидің өліміне қатысты іс бойынша ақпарат берді, - деп хабарлайды Tengrinews.kz тілшісі.
Елордалық прокуратура мәліметінше, 2022 жылы күтуші мен бірге тұратын ер адам физикалық зорлық-зомбылық көрсетіп, соның салдарынан сәби қайтыс болды.
"Қала прокуратурасымен жедел-іздестіру тобы құрылып, істің жедел және объектив тергелуі қамтамасыз етілді. Сотта мемлекеттік айыптаушы бұл тұлғалардың кінәсін бұлтартпайтын дәлелдер келтіріп, сот үкімі бойынша олар 17 және 23 жылға бас бостандығынан айырылды", - деп хабарлады Астана прокуратурасы.
Үкім заңды күшіне енді.
