Астанада бір түнде 3,5 мыңға жуық жүк көлігіне тең қар шығарылды

Астанада 1 600-ден астам арнайы техника мен 2 500-ге жуық жол жұмысшысы күндізгі ауысымда көшелерді қардан тазартуға шықты. Қардың мол болуына байланысты тазарту жұмысы тәулік бойы жүргізіліп жатыр, деп хабарлады Elorda.info.

9 қаңтардан 10 қаңтарға қараған түні елорла көшелері мен аулалардан шамамен 50 мың текше метр қар шығарылды, бұл 3 444 жүк рейсіне тең.

Жалпы қыс мезгілінің басынан бастап елордада 1 654 224 текше метр қар шығарылды, бұл 121 мыңнан астам ауыр жүк рейсін құрайды.

Қар арнайы полигондарға шығарылады.

Елордада бірнеше жабдықталған қар полигоны жұмыс істейді. Олар самосвал техникасының нөмірлнөмірлікнөмірлнөмірлікікік белгілерін оқу жүйесімен жабдықталған, мұнда бейнебақылау камералары орнатылып, жарықтандыру қосылған, - делінген қала әкімдігінің хабарламасында.

«Қазгидромет» РМК деректері бойынша Астанада 10 қаңтарда бұлтты, түнде қар, күндіз жауын-шашын (негізінен қар), боран болады. Күндіз көктайғақ. Оңтүстік-батысқа көшетін оңтүстік-шығыстан соққан жел 9-14, екпіні 15-20, күндіз 23-28 м/с. Ауа температурасы түнде -16-18, күндіз 1-3 аяз.