Бұл сериядағы көліктерді ұлы ақын Абайдың мерейтойына арнауды жөн санадық, - дейді “АЗИЯ АВТО” зауытының бас директоры Ерік Сағымбаев.
Әрбір автомобильде ағартушының өлеңдері мен қара сөздері бар кітап пен Abai175 белгісі жапсырылған, - деп жазады kazaknews.kz.
Компания басшысының айтуынша, қазіргі таңда LADA Granta маркалы 500 машинада Abai175 жапсырмасы бар. Зауытта бұл модельді “халық көлігі” деп атайды.
![](https://aqnews.kz/wp-content/plugins/lazy-load/images/1x1.trans.gif)
Өткен жылдың басында “Қолжетімді көлік” бағдарламасын жолға қойдық. Соның негізінде қазақстандықтар үшін 2 820 000 теңгеге су жаңа көлік алатын мүмкіндік туды. Abai175 жүйелі тексерістен өткен соң шамамен ақпан айының соңында сатылымға шығады, – деді Ерік Сағымбаев.
“АЗИЯ АВТО” бас директорының айтуынша 2019 жылдың қорытындысына қарағанда LADA Granta жергілікті көлік өндірісінде ең танымалы. Ал өткен жылы осы маркадан 5000 көлік сатылған.