Елена Рыбакина WTA турнирінде жеңімпаз атанды

Қазақстан өкілі Елена Рыбакина алғаш рет Әйелдер теннис қауымдастығының (WTA) қорытынды турнирінің жеңімпазы атанды. Финалда ол белорустық Арина Соболенкомен ойнап, жеңіске жетті. Рыбакина Эр-Риядта өткен турнирде бір де бір матчта жеңілген жоқ, соның арқасында $5,2 млн-нан астам жүлде алады.
Финалдық кездесуде Қазақстан өкілі Елена Рыбакина беларусиялық Арина Соболенконы 6:3, 7:6 (7:0) есебімен жеңді. Матч 1 сағат 47 минутқа созылды. Айта кетейік, Соболенко осы жылғы Уимблдон турнирінің жеңмпазы атанып еді. Ол сондай-ақ әлемнің бірінші ракеткасы болып саналады.
2025 жылғы WTA қорытынды турнирі 1-8 қараша аралығында Эр-Рияд қаласында «хард» жабынында өтті. Оған жеке разрядтағы үздік сегіз теннисші мен жұп командалар қатысты. Қатысушылар айналма жүйе бойынша жарысады: жалғыз санаттағы чемпион Билли Джин Кинг жүлдесін жеңіп алса, жұп санаттағы чемпиондар Мартина Навратилованың жүлдесін иеленеді.