Айға бағытталған "Artemis II" миссиясы сәтті аяқталды

Экипаж отырған "Orion" ғарыш кемесінің капсуласы суға қонғаннан кейін, оларды АҚШ Әскери-теңіз күштерінің десанттық кемесі – USS John P. Murtha қарсы алды. Бұл туралы NASA өзінің ресми сайтында және X әлеуметтік желісіндегі парақшасында мәлімдеді.

Астронавтардың Жерге оралуын тікелей эфирде 3 миллионнан астам адам тамашалаған.

Сурет: Х/NASA

Адамзаттың соңғы 54 жылдағы Айға бағытталған алғашқы ұшуы 1 сәуірде басталды. 10 күнге созылған миссия барысында NASA астронавтары Рид Уайсмен, Виктор Гловер, Кристина Кук және Канаданың ғарыш агенттігінің астронавты Джереми Хансен:

• Айға дейін жетті;
• Жерден ең алыс қашықтыққа ұшу бойынша рекорд орнатты;
• Бірқатар ғылыми тәжірибелер жүргізді;
• Аман-есен Жерге оралды.

Дегенмен, миссия толықтай мінсіз өткен жоқ. Ұшу кезінде кемедегі дәретхана екі рет істен шыққаны белгілі болды.