Елордада дін мәселелері бойынша ақпараттық түсіндіру тобының құрамы бекітілді
Ақпараттық түсіндіру тобының мүшелері жыл бойы 700-ден астам кездесу өткізеді деп жоспарланып отыр
Астана қаласының әкімдігі діни экстремизмнің алдын алу мәселелері бойынша ақпараттық түсіндіру тобы мүшелерінің құрамын бекітті, деп хабарлады Elorda.info.
Аталған құрам түрлі салада еңбек еткен белгілі қоғам қайраткерлері мен ғалымдардан құралған. Бұл құрамдағы 36 адамның ішінде мемлекеттік қызметкерлер, ғалымдар, теологтар, дінтанушылар, Қазақстан мұсылмандары діни басқармасының және қоғамдық бірлестіктердің өкілдері бар.
Ақпараттық түсіндіру тобының мүшелері жыл бойы діни экстремизм мен терроризмнің алдын алу және қарсы іс-қимыл жүргізу, сондай-ақ дін және мемлекеттік-конфессиялық қатынастар саласындағы мемлекеттік саясат, конфессияаралық келісім мен Қазақстанның дәстүрлі рухани құндылықтары мәселелері бойынша қала тұрғындарымен 700-ден астам кездесу өткізеді деп жоспарланып отыр.
