Астана қаласының Ішкі саясат басқармасы қоғамда сыбайлас жемқорлыққа қарсы мәдениетті және сыбайлас жемқорлыққа төзбеушілікті қалыптастыруға бағытталған үздік журналистік жұмыстарға байқау жариялайды, деп хабарлайды Aqnews.kz елорда әкімдігінің ресми сайтына сілтеме жасап+.
Үздік журналистік жұмыстар байқауы Астана қаласында сыбайлас жемқорлыққа төзбеушілікті көрсететін құндылықтар жүйесін сақтау және нығайту мақсатында бұқаралық ақпарат құралдары (бұдан әрі – БАҚ) өкілдері үшін өткізіледі.
Байқауға Астана қаласындағы сыбайлас жемқорлыққа қарсы саясаттың қалыптасуы туралы тақырыптарда жұмыс істейтін журналистер қатыса алады.
Байқауға 2023 жылдың 1 қаңтары мен 5 желтоқсаны аралығында жарияланған немесе эфирге шыққан материалдар (мақалалар, сұхбаттар тб.) жіберіледі.
Жұмыстың негізгі тақырыбы: сыбайлас жемқорлыққа қарсы мәдениетті қалыптастыру, қоғамда сыбайлас жемқорлыққа төзбеушілікті көрсететін құндылықтар жүйесін сақтау және нығайту.
Ұсынылатын жұмыстардың саны шектелмейді. Байқау ережелері туралы толық ақпаратты ережеден табуға болады.
Құжаттар 2023 жылдың 5 желтоқсанына дейін smido_konkurs@mail.ru электронды поштасы арқылы қабылданады.
Қосымша ақпаратты мына телефон арқылы алуға болады: 87005506080.
