Психологиялық және ақпараттық қолдау және көмек көрсету үшін ТЖМ-нің «жедел желі» телефондары жұмыс істейді. Бұл туралы ҚР Төтенше жағдай министрлігі хабарлады.
Еліміздің 6 өңіріндегі сенім телефондары
– ДЖБО Астана қ.: 8 (7172) 704-114
– Ақтөбе облысы ТЖД: 8 (7132) 548-657
– БҚО ТЖД: 8 (7112) 554-088
– Қостанай облысы ТЖД: 8 (7142) 501-960
– Ақмола облысы ТЖД: 8 (7162) 551-484
– Қызылорда облысы ТЖД: 8 (7242) 244-161.
Айта кетейік, Қазақстанның бірнеше елді-мекеніне газ беру тоқтатылды деп жазған едік.
Тиісті ведомство әр өңірде жедел штабтар құрылып, тасқынмен күрес жұмыстары жалғасып жатқанын мәлімдеді. Әсіресе, Ақтөбе, Қостанай, Ақмола және Батыс Қазақстан облыстарындағы жағдай күрделірек.
«ҚазТрансГаз Аймақ» АҚ мамандары 28 наурыз күні Ақтөбе облысының Мұғалжар ауданы Бірлік және Шалқар ауданының Шетырғыз ауылдарындағы еріген қар суының тасқынына байланысты қауіпсіздік мақсатында 100-ге жуық үйді уақытша газдан ажыратқан еді. Қазіргі уақытта барлық үй жедел түрде газға қайта қосылды»,- делінген Энергетика министрлігі таратқан хабарламада.
Сондай-ақ ҚР Премьер-Министрі Олжас Бектенов су тасқынына кінәлілер анықталатынын айтты.
«Бұл – соңғы жылдардағы ең үлкен су тасқыны. Қазір бастысы – адам өмірін сақтап қалу және апат зардаптарын азайту. Кейін жекелеген лауазымды тұлғалардың өз қызметтік міндеттеріне салғырт қарауының ықтимал фактілерін анықтау мақсатында егжей-тегжейлі тексеру жүргізілетін болады. Мен бұл мәселені Бас прокурормен талқыладым. Бүгінде барлық күш су тасқынына қарсы жұмыстарға жұмылдырылды. Бірқатар өңірде ТЖ режимі жарияланды. Менің бірінші орынбасарым Роман Васильевич Скляр ең қатты зардап шеккен өңірлерде жүр»,- деді Олжас Бектенов.
Төтенше жағдайлар министрі Шыңғыс Әрінов есеп берді. Айтуынша су ьасқан өңірлерде құтқарушылар әкімдіктермен бірлесіп, 2,3 млн текше метрден астам ағын судан тазартқан, 162 мыңнан астам құм толтырылған қапшық және 31 587 тонна инертті материал төселген. Жалпы апаттық-құтқару жұмыстарына 6 349 адам, 2 192 техника, 689 сорғы құралы жұмылдырылған.
Күн жылынғалы бері, Қазақстанның қар қалың түскен аумақтарын су басты. Әр өңірде қарғын судан зардап шеккен үйлер саны артып келеді. Осы орайда бірқатар өңірлерле төтенше жағдай жарияланды.
Батыс Қазақстан облысында 455 үйді қарғын су басып қалған. Құтқарушылар тұрғындарды қайық және тікұшақпен эвакуациялады
