Биыл жыл басында Қазақстан халқының саны 20 млн болды, бұл бір жыл бұрынғыдан 1,3%-ға артық, деп хабарлады Aqnews.kz
Ranking.kz мәліметінше, қазақстандықтардың басым көбі дәстүрлі түрде еліміздің оңтүстік аймақтарында тұрады. Елордада 1,4 миллион адам бар.
29 ақпандағы мәлімет бойынша елімізде Қазақстан есімді 24 адам тіркелген.
Оның ең көбі Ақмола облысында тұрады: 7 адам. Астанада мұндай есімді тағы 5 адам, Қарағанды облысында 4 адам бар.
Сонымен қатар, Қазақстан есімді 3 адам — Қостанай облысында, 2 адам — Маңғыстау облысында, 2 адам — Шымкент қаласында, 1 адам — Батыс Қазақстан облысында тұрады.
Қазақстандықтардың ішінде 24 Астана, 20 Алматы және 3 Шымкент есімді адамдар бар.
Сонымен қатар, Қазақстанда Семей атты 27 адам, Атырау есімді 15 адам, 15 Түркістан, 14 Тараз, 10 Ақтау, бір Ақтөбе, бір Талдықорған бар.
Саяси қайраткерлердің атын қою да дәстүрге айналған. Елімізде 12 Қасым-Жомарт, 1 Путин, 1 Трамп және 8 Байден тұрады.