Астанада орташа жалақы 400 мың теңгеден асты

                    Алматыда – 353 мың теңге

Өткен жылдың тоғыз айында қазақстандықтардың орташа жалақысы 25%-ға өсті, деп хабарлады Elorda.info Tengrinews.kz сайтына сілтеме жасап.

2022 жылдың тоғыз айында (қаңтардан қыркүйекке дейін) орташа айлық  жалақы 329 366 теңгеге жетті. Өткен жылмен салыстырғанда 24,6%-ға артқан.

Жалақы өсімі «Білім берудің басқа түрлері» (оқу орталықтары, деңгейлер бойынша жіктелмейтін курстар) сияқты салада тіркелді, бірден 86,2 %-ға артып, 431 мың теңге болды.

Өткен жылдың тоғыз айында ең жоғары жалақы «Бас компаниялардың қызметі және басқару мәселелері бойынша кеңес беру» ( 956 мың теңге), «сақтандыру бойынша қызметтер» (780 мың теңге), «әуе және теңіз көлігі» (735-тен 862 мың теңгеге дейін), сондай-ақ «тау-кен өндіру өнеркәсібі және игеру карьерлер» (622 мың теңге) саласында байқалды.

Ең төмен табыс – «Балық аулау және балық шаруашылығы» салаларында жұмыс істейтін қазақстандықтарда (92 мың теңге) тапты, «Басқа да қызмет түрлерін көрсету» саласындағылардың орташа жалақысы –  149 мың теңге, ал «қауіпсіздікті қамтамасыз ету және тергеу жүргізу» саласындағылардыкі – 150 мың теңге.

Ең жоғары орташа жалақы Атырау облысында – 562 мың теңге. Одан кейін Маңғыстау облысында 500 мың теңге және жаңадан құрылған Ұлытау облысында 444 мың теңге. Ең төменгі орташа жалақыны Солтүстік Қазақстан облысының жұмысшылары алады, ол 231 мың теңге және Шымкент қаласында 246 мың теңге алады.

Астанада орташа жалақы 403 мың теңге, Алматыда – 353 мың теңге.

Еске сала кетейік, 2022 жылдың бірінші тоқсанында орташа жалақы 285 433 теңгеге жетті.