Алматылықтар Қарағайлы саябағындағы 1931-1933 жылдардағы саяси қуғын-сүргін және жаппай ашаршылық құрбандарына арналған ескерткішке гүл шоқтарын қойды, деп хабарлайды Aqnews.kz.
Бүгін, 31 мамырда Қазақстанда ел тарихының қайғылы беттерінде қалғандарға құрмет көрсетіледі.
Қарағайлы алаңында таңертеңнен бастап сол қайғылы кезеңдердің иіріміне түскен адамдардың жақындарымен қатар, бүгінгі күнге бей-жай қарамайтын азаматтар жиналды. Көптеген адамдардың қолында туыстарының суреттері болды. Іс-шараға Алматы әкімі Ерболат Досаев та қатысты.
Қазақ ұлттық кәсіби театр өнерінің негізін қалаушы Жұмат Шаниннің немересі Райхан Шанина-Мырзағалиева: егер талантты ұрпақ саяси қуғын-сүргінге ұшырамаса, ел қандай жетістіктерге жетер еді?
Жиынға қатысушылар қолында арық баланы ұстаған ананың ескерткішіне гүл шоқтарын қойды. Аталмыш кезең Кеңес Одағына түгелдей әсер етті, алайда Қазақстан туралы нақты айтатын болсақ, онда 1921-1954 жылдар аралығында 100 мыңға жуық адам саяси баптар бойынша сотталды. Ресми мәліметтер сүйенсек олардың 25 мыңы атылды.
Саяси қудалау қатаң ұжымдастырудан туындаған ашаршылықпен сәйкес келді. Мал мен мүліктен айырылған адамдар іс жүзінде күнкөріссіз өмір сүруге тырысты.
31 мамыр күні Қасым-Жомарт Тоқаев отандастарын саяси қуғын-сүргін және жаппай ашаршылық құрбандарын еске алуға шақырды.
